د افغانستان ولسمشر محمد اشرف غني دغه مډال په اسلام اباد کې د افغانستان سفیر او د ولسمشر د خاص استازي ډاکټر عمر زاخیلوال په سپارښتنه استاد خیال محمد ته ورکړیدی.
په اسلام اباد کې د افغانستان د سفارت فرهنگي اتاشه ښاغلي عبدالرحمن حبیبزوي امریکا غږ اشنا راډیو ته ویلي چې ټاکل شوې وه چې نن پیښور کې د استاد خیال محمد په ویاړ جوړه شوې غونډه کې د افغانستان سفیر ډاکټر عمرزاخیلوال نوموړي ته دا مډال ورکړی وی خو د سفري ستونزو له کبله د ښاغلي زاخیلوال سفر ونشو او د مډال ورکولو دپاره به نیزدې راتلونکې کې بله غونډه جوړه شي.
استاد خیال محمد ته دا مډال په اسلام اباد کې د افغانستان سفیر او د ولسمشر د خاص استازي ډاکټر عمر زاخیلوال په سپارښتنه ورکړیدی.
ښاغلی حبیبزوی وايي چې د پښتو موسیقۍ دپاره د استاد خیال محمد خدمتونه په ډیر څه ارزي او د ولسمشر لخوا د غازي میربچه خان دا عالي مډال دا پیغام ورکوي چې د افغانستان ولس د استاد خیال محمد د فني او هنري خدمتونو قدرداني کوي او ستايي.
ښاغلي حبيب زوي وويل چي إستاد خيال محمد ته د غازي مير بچه خان عالي دولتي مډال نه علاوه د افغانستان د اطلاعاتو او فرهنگ وزارت اسلام اباد کې دافغان سفیرډاكتر عمر زاخيلوال او پیښور کې د افغانستان د جنرال قونسل عبدالله وحید پویان لخوا نغد رقم هم ډالۍ شوی دی.