د ولسمشر ډانلډ ټرمپ د استیضاح کولو پر مواردو له رایګېرۍ وروسته، د امریکا د کانګرس غړي په رخصتیو تللي دي.
تېره اونۍ په یوې عمومي رایګېرۍ کې د مجلس وکیلانو ولسمشر ټرمپ له واک څخه په ناوړې استفادې او د کانګرس تحقیقاتو ته د خنډ په جوړولو تورن کړ. جمهوریت غوښتونکي وایې چې د استیضاح بهیر د سیاسي انګیزو له امله پیل شوی دی.
ټرمپ د امریکا په تاریخ کې دریم ولسمشر دی چې استیضاح کېږي.
تراوسه د استازو د مجلس دېموکراتو غړو د سنا مجلس ته د استیضاح د مواردو پر لېږلو فیصله نه ده کړې.
په سنا کې د جمهوریت غوښتونکو رهبر د ټرمپ د استیضاح کولو په تحقیقاتو کې د هغه د ادارې د جګپوړو چارواکو د شهادت ورکولو په اړه د دېموکراتانو غوښتنه رد کړې ده.
