د امریکا ولسمشر ډونالډ ټرمپ د کانگرس د دیموکرات گوند د مسلمانې غړې نه غوښتي دي چې د خپلې دندې نه دې استعفې وکړي
د کانگرس مسلمانه غړې الهان عمر د هغې نه وروسته چې د یهودانو ضد یو بیان یې ورکړ د جمهوري غوښتونکي او د دیموکرات گوند د غړیو لخوا د سخت انتقاد سره مخامخ شوه او هغې د دوشنبې په ورځ د خپلو څرگندونو لپاره بخښنه هم وغوښته.
ولسمشر ټرمپ وویل چې د هغې بخښنه غوښتل پوره نده او دا چې هغې د یهودانو په اړه سپکې څرگندونې کړیدي.
ټرمپ وویل: "الهان دې د کانگرس نه استعفې وکړي او یا دی د بهرنو چارو د کمیټې غړیتوب پریږدي."
الهان عمر چې صومالي نژاده امریکایۍ ده، د منيسوټا د ایالت نه یې د ٢٠١٨ کال په انتخاباتو کې د کانگرس څوکۍ گټلې وه. هغې څو ورځې مخکې په امریکا کې د اسرایلو په یوې ټولنې اعتراضونه وکړل چې د هغې نه وروسته د کانگرس دواړو گوندونو پرې سختې نیوکې وکړی.
هغې په خپل ټویټر لیکلي و چې په امریکا کې د اسرایلو لپاره کارکونکي لابي د امریکا په سیاست د نفوذ لپاره پیسې استعمالوي. هغې دا هم ویلي و چې یهودان غواړي د اسرایلو د ملک د جوړولو لپاره په امریکا کې پلویان پیدا کړي.
الهان عمر د خپلو څرگندولو لپاره بخښنه غوښتې ده.
