د کویټې یو پښتون چې د بشري حقونو مبارز دی، په خپل فیس بک د خپلو دوستانو او نورو تعقیبونکو نه وغوښتل چې په خپل فیس بک کې د خپلې میرمن او یا د مور نوم شریک کړي او د دې مردسالارې Patriarchy ضد مبارزه وکړي.
د ښځو د حقونو فعالین وایي چې پښتانه د ښځو د حقونو په لړ کې د خپلو گاونډیو پرتو قومونو په پرتله لا هم وروسته دي او حتی پښتانه تر اوسه د خپلې کورودانې نوم نه اخلي.
د کویټه سره تعلق لرونکي رفیع الله کاکړ د هغې نه وروسته چې خپلې میرمنې ته یې په فیسبک د طب په یو امتحان کې د کامیابۍ په هکله په خپل فیسبک مبارکي ورکړه، د کورنۍ غړو او ملگرو ورته پېغورونه ورکړل چې ولې یې د خپلې میرمنې نوم په فیسبک شریک کړیدی.
پام وکړئ د بشري حقونو د مبارز او لیکوال رفیع الله کاکړ سره مرکې ته
