د جمهوری ریاست پخواني مرستیال جو بایډن د ولسمشر ټرمپ د معزولولو لپاره غږ کړیدی.
جو بایډن دا غږ وروسته ترهغه وکړ چې د اوکراین له حکومت نه یې د ده او دده د زوی هنټر بایډن په برخه کې د زیانمنو معلومات لاسته راووړلو لپاره فشاراچولی و.
د جمهوری ریاست دموکرات کاندی جوبایډن په نیوهمشایر کې په خپلو انتخاباتو مبارزو کې بوخت دی.
هغه وویل د ولسمشرټرمپ په برخه کې وویل:" زه ېې نه پریږدمچې د داسې خبرو له عواقبونه خلاص شي. هغه تراوسه پورې زما په څېرسړي باندې اووښتی نه و".
داهغه کلک پیغام و چې د جمهوری ریاست دموکرات کاندید جوبایډن ولسمشرټرمپ ته ورکړ. بایډن هڅه کوي چې د نیوهمشایر په مهم ایالت کې په وختي رایو کې خپل لومړنی مقام وساتي.
د متحدو ایالاتو د ولسي جرگې دموکراتانو د ولسمشر ټرمپ خلاف د هغه د عزل رسمي تحقیقات تر هغه وروسته پیل کړل چې لومړي افشاگر پر هغه تور ولگاوه چې د اوکراین نظامي مرستې یې ددې لپاره ځنډولې وې څو پر اوکرایني مشر زیلنسکي فشار روالي چې د جوبایډن د زوی پر خلاف زیانمن معلومات پیدا کاندي.
خو بایډن دا تورونه بې بنسټه بولي. رپوټونه وايي د ولسمشر ټرمپ د معزولولو د غوښتنو شمیر تر پخوا زیات شوېدی. مگر د ولسمشر ټرمپ ملاتړي وايي د بایډن خپلې تیرې کړنې او له بهرنیو مشرانو سره دې د هغه معاملې وڅېړل شي.