د اسرائیلو او حماس ډلې ترمنځ د نښتو په اړه غبرګونونه
۹
د فرانسې ولسمشر ایمانویل مکرون پر اسرائیلو د حماس بریدونه یو "ترهګریز" عمل بللی او په کلکه یې غندلی دی
۱۰
د شمالي اتلانتیک تړون سازمان (ناټو) ویاند، ډیلان وایټ، هم د شنبې په ورځ " د خپل متحد اسرائیلو په وړاندې د حماس ډلې ترهګریز بریدونه وغندل."
۱۱
متحده عربي اماراتو په یوې اعلامیې کې د سمدستي اوربند غوښتنه کړې او له ښکېلو ډلو یې غوښتي چې له زغمه کار واخلي. په دې اعلاميه کې د متحده عربي اماراتو د بهرنيو چارو وزارت د ملکي وګړو پر خوندیتوب د ټينګار په ترڅ کې د وروستي نښتو له ټولو قربانيانو سره خپله ژوره خواخوږي څرګنده کړې ده.
۱۲
د مراکش شاهي حکومت هم د غزې په تړانګه کې د وضعیت د خرابیدو په اړه د ژورې اندیښنې په ترڅ کې د یوې اعلامیې په خپرولو سره د دواړو غاړو پر ملکي وګړو بریدونه غندلي او د جګړې له ښکیلو ډلو یې غوښتي چې ژر تر ژره جګړه ودروي.