د جعل کاریود څارنې یوکمیسیون وایي، د جعل اولاس وهنو په باره کی زرګونو شکایتونو تحقیق به د افغانستان د پارلماني انتخاباتو په نتیجو کی بنیادي بدلون راولي.
د شکایتونود څارنې دغه کمسیون چه د امریکا ملاتړ ورسره دی، نن وویل، د څه باندی ٢٠٥٠ جدی شکایتونو تحیقیق یی بشپړکړیدی ، چه کیدی شي یوشمیرکاندیدان د پارلمان غړیتوب ونه ګټی.
په دوه زره اوپنځه سوه کاندیدانو کی، په څلورسوو باندی ، د سپتمبرد میاشتی په انتخاباتو کې د سرغړونو تورلګول شویدی.
په عین حال کی د پارلمان غړو،او کاندیدانود انتخاباتو په مامورینو باندی تورلګولی دی چه د کامیابو کاندیدانو نه یی رشوت اخستی دی.
د انتخاباتو ماممورینو، د پنځه اعشاریه شپږ ملیون رای ورکونکو، قریب څلورمه برخه، د جعل کاریو اونورو سرغړونو له امله د انتخاباتو نه محروم کړل.
په لومړي سر کې داسې تمه کیده چې د پارلماني انتخاباتو نتیجه به د اکتوبر په میاشت کې اعلان شي خو پدې خاطر چې د انتخاباتو د شکایتو داوریدو کمیسون په شاوخوا 5 زره شکایتونو باندې کار پیل کړ، نو دا نتیجه هم وځنډیده. تر اوسه داسې کومه نیټه هم نده اعلان شوې چې دا به مالومه شي چې د ولسې جرګې څوکیو ته څوک کامیابه شويدي.
د رایو ورکونو څخه وروسته د افغانستان د آزادو او عادلانه انتخاباتو ادارې خپلې جدې اندیښنې ښودلې وې. دغې ادارې ویلي وو چې په ځینو ځایونو کې د جنګسالارانو لخوا خلکو ته ګواښ شویدی چې یوه ځانګړي کاندید ته دې رایه ورکړي. همدرانګه د رایو د صندوقونو ډکول او د یوه تن لخوا د څو ځلي رایو ورکولو رپوټونه هم ورکړل شویدي.
